Apirilaren 30etik maiatzaren 4ra Donostian eta Oreretan izango da dokumentalen mostra, Banda Bat eta Mikelazulo Kultur Elkarteak antolatuta.
Ekimen honen bitartez, publikoari zuzendutako dokumentalen proiekzioak eta dokumental munduko profesionalen topaketa eta mahai inguruak batu nahi ditugu. Jardunaldi hauetan dokumental egile euskaldunez gain, Estatu osoko zein mundu mailako sortzaileek parte hartuko dute.
Batetik, dokumentalen sortzaileak elkartzea dugu helburu. Dokumentalaren munduaren inguruan gogoetarako tarte bat irekitzea da gure asmoa.
Honekin, elkarren artean, dokumental sortzailearen sormen prozesuan zein ekoizpenean garrantzizkoak iruditzen zaizkigun zenbait gairi buruz hitz egin nahi dugu: inspirazio iturriak, dokumentalaren funtzioa, lan egiteko moduak, publikoari ezagutzera ematea e.a.
Mahai inguru hauetan giro atsegin batean sortze prozesu eta dokumentalaren banaketari buruz egon daitezkeen ikuspegi ezberdinak konpartitu nahi ditugu. Bertara hizlariek bideo klip txikiak ekar ditzakete, gai zehatz batzuei buruz haien ikuspegia hobeto azaltzeko.
Bestetik bilera hauekin parez pare, parte hartzaileen dokumentalen proiekzioak publikoari eskainiko zaizkio, sortzaileen presentziak ikusitakoa osatzeko, aberasteko balio dezakeelakoan.
Programazioa:
Apirilak 30, asteazkena: 19:00etan “Gaviotas blindadas 3″ Proiekzioa, Sala Kutxa, Arrasate kalea 12, Donostia
Gainontzeko emanaldiak Oreretako Mikelazulon izango dira, Beheko kalea 4.
Maiatzak 2, ostirala: 11:00etan Topaketa:”Dokumentalaren edukia”; 18:30etan “Yo pregunto a los presentes” Proiekzioa 20:30etan “En la boca del león” Proiekzioa
Maiatzak 3, larunbata: 11:00etan Topaketa:”Dokumentalaren ekoizpena eta banaketa”; 18:00etan “Septiembres” Proiekzioa; 20:30etan “Lucio” Proiekzioa
Maiatzak 4, igandea: 18:30etan Un tal Eusebi” eta “Bartolo” Proiekzioak; 20:30etan “Angor” Proiekzioa (read more…)
Iker Iraola aske utzi du epaileak eta Gaizka Ibeasi 6000 euroko fidantza jarri dio (Soto del Real espetxean egongo da bermea ordaindu arte). Iker Iraolak tratu txarrak jaso dituela Espainiako Poliziaren esku salatu du. Askatasunak jakitera eman duenez, neskalaguna atxilotzeko mehatxu egin diote, buruan golpeak eman dizkiote eta flexioak eginarazi dizkiote. Mehatxuak eta presioa inkomunikazio guztian zehar jasan duela salatu du Iraolak. Pasa den ostiralean atxilotu zituzten gazteek ere tratu txarrak salatu dituzten
Guztiak epailearen aurretik pasa ondoren hau izan da bere erabakia:
Ion Otxoa, baldintzarik gabe aske.
Espetxeratzeko agindua, baina fidantzapean aske gelditu daitezkeenak:
Alex Etxeberria (6000 euro)
Haizea Iriarte (3000 euro)
Beñat Burlada (3000 euro)
Gorka Etxeberria (3000 euro)
Baldintzarik gabe espetxera:
Aitor Alberdi
Aitor Franco
Josu Arruabarrena
Xabier Lujanbio
Harkaitz Antza
Oraindik inkomunikatuak daude, baina baliteke orain altxatzea
inkomunikazioa.
Gazteek tratu txarrak salatu dituzte
Askatasunak jakinarazi duenez, Espainiako Poliziak lehengo ostiralean
Errenteria-Oreretan, Oiartzunen eta Arrasaten atxilotutako gazteek
"tratu txarrak" jaso izana salatu dute. "Orohar, buruan kolpea asko
jaso dituzte, biluzik eduki dituzte eta senideak atxilotzeko mehatxuak
egin dizkiete -hainbat kasutan atxilotze aginduak erakutsi dizkiete-",
esan du gaur Askatasunak. "Haizea Iriarte eta Xabier Lujanbio bikotea
eta bi gelatan zeudela, Xabierrek Haizea ikus zezakeen kristal baten
bidez. Poliziek Xabierri galderak egiten zizkioten eta, erantzuna
beraien gustukoa ez bazen, Haizea biluzten joaten ziren pixkanaka".
Askatasunaren salaketa
Askatasunak salatu du atxilotutakoek jasan dituzten tratu txarrak.
Hona, hitzez hitz, salaketa mezua: "Beste behin inkomunikazio garaian
bizitako tratu txarren eta jazarpen sexualen lekukotzak jaso ditugu.
Espainiar poliziak inpunitate osoa du euskal gazteak atxilotu,
inkomunikatu, torturatu, espetxeratu eta sakabanatzeko. PSOE-k bere
agintaldia bortizkeriaren aldeko apostua berretsiz hasi duela argi
gelditu da, inkomunikazioaren, torturaren eta sakabanaketaren alde
eginez.
Inkomunikazio egoera da tortura posible egiten duena, eta inkomunikazio
egoera mantentzeak posible egiten du euskal herritarrak torturatuak
izan daitezen. Salatu beharrean gaude tratu txar hauen aurrean euskal
klase politikoak erakusten duen isiltasun konplizea, gertaera hauek
errepikatzeari bide emanez"
Atzo atxilotutako gazteak, Iker Iraola eta Gaizka Ibeas, datozen ordutan
pasako dira epailearen aurretik
Gaizka Ibeas eta Iker Iraola dira azken bi atxilotuak. Espainiako Barne Ministerioak esan duenez, bi atxiloketak lehengo ostiraleko operazioaren jarraipena dira, eta Grande Marlaskak aginduta egin dira baita ere. Iturri berberek diotenez, atxiloketekin batera hainbat miaketa egin ditu Poliziak Errenteria-Oreretan. Oiartzunera ere joan da Polizia Nazionala, beste bost lagunen bila. Bien bitartean, lehengo ostiralaz geroztik poliziaren esku inkomunikatuak dauden atxilotuak gaur epailearen aurretik pasatzekoak direla eta, senide eta lagunak Madrilen dira, eskualdetik ateratako bi autobusetan. Goizeko10:30etik aurrera hasiko dira epailearen aurretik pasatzen, aurreikuspenen baitan.
Askatasunaren irakurketa:
Askatasunatik gogor salatu nahi ditugu gauaren inpunitatea baliatuz espainiar poliziak Oreretan burutu dituen atxiloketak. Oreretako historikoki errepresioak gogor jo duen herria izan da eta azken egunetan berriro ere errepresiorik bortitzenaren jomuga izaten ari dela argi dago, besteak beste herriko gazteen atxiloketak eta inkomunikazioa, miaketak, herriarrei emandako jipoiak eta ondoriozko ospitalizazioak, tiroak, karga polizialak eta gezur eta manipulazioak dira honen adibide. PSOE-ren gobernuak PNV-rekin eskuz esku aurrera daraman aliantza errepresioaren irudiak ikusten ari gara Oreretan egunotan.
Kolore guztietako poliziak parte hartzen ari diren eraso honek ondorio larriak utzi ditu. Momentu honetan 12 gazte aurkitzen dira inkomunikaturik honek suposatzen duen tortura arriskuarekin.
Une honetan ez dago gaurko atxilotuen berririk eta ostiraleko 10 atxilotuak gaur pasatuko dira entzutegi nazionalean Grande Marlaska epailearen aurretik.
Dei egiten dugu atxiloketa hauen aurka protesta egiteko burutuko diren mobilizazioetan parte hartzera.
Jose Luis Gurrutxagak traumatismoa du ezkerreko hemitoraxean jasotako kolpeen ondorioz, eta miña sentitzen du arnasa hartzerakoan. Ostiraleko atxilotuak berriz asteartean pasako dira epailearen aurretik.
Jose Luis Gurrutxagari desordena publikoak eragitea egozten diote eta Iñaki Garcia Alkortari berriz desordena publikoak eragitea eta autoritateari atentatua egitea. Epaileak aparteko neurririk gabe aske utzi ditu biak, baina beraien aurkako prozedurak aurrera jarraitzen du.
Iker Sarriegi da Jose Luisen abokatuetako bat, eta Ikerrek berak adierazi digunez akusazio partikular bezala aurkeztu dira ertzaintzako agenteen aurka prozedimendu berdinean, bere bezeroa jipoitzea egozten dietelarik agenteei.
Bestalde, jakin izan dugunez asteartean pasako dira epailearen aurretik ostiralean Oiartzunen eta Oreretan atxilotu zituzten gazteak.
Info +:www.askatu.org
Deialdiak:
Igandea, 20:00etan eskuladeko manifestazioa Oreretako Herriko plazatik.
Egunero, inkomunikazioak dirauen bitartean, 20:00etan Oreretan
Apirilak 25, Borroka Eguna. Manifestazioak 12:00etan eta 20:00etan Oreretan
Autobusa antolatu da atxilotutako gazteak epailearen aurretik pasatzen direnerako. Izen-ematea ohiko lekuetan.
Tentsio une handiak bizitu dira gaur goizean Errenteria-Oreretan. Ezker abertzaleko kideek atxilotutakoen senideekin eman beharreko prentsaurrekoa hastear zenean hasi dira istiluak. Ertzaintzak pankarta bat jartzen ari ziren hiru lagun identifikatzen ari zen, herriko beste kale batean, antza, atxilotzeko. Horren berri izatean, Herriko Plazako prentsaurrekoan bildutako jende asko hurbildu egin zaie, eta orduan pilotakadak, borra kolpeak eta tiroak ere airera jaurti dituzte ertzainek. Lagun bat atxilotu dute orduan, zaurituta. Erietxera eraman dute gero, saihetsak puskatuta. Hainbat lagun ere daude zaurituta, ertzainen kolpeen ondorioz. Herrizaingo Sailaren arabera, bi ertzain ere zaurituta gertatu dira. Beranduago, iragarritako prentsaurrekoa bukatzean, jende ugari hurbildu da Matxaingo ertzain-etxera, atxilotuaren askatasuna eskatzera. Tentsio uneak bizi izan dira berriro, eta ertzainak bildutakoen aurka oldartu dira Matxaingo biribilgunean.Eguerdian Matxaingo biribilgunean kargatu ondoren, ertzain ugari herriko hainbat tabernatara sartu da gero. Lehenik, Zumardira iritsi dira hiru bat furgoneta, eta bertako bizpahiru tabernatara sartu dira, borrekin eta peloteroekin. Antza, jende bila ari dira ertzainak tabernatan, atxilotzeko asmoz.
Poteo ordua izanik, ertzainak Zumardira iristean jende asko zegoen bertan, tabernetako terrazatan eserita nahiz pasioan. Ez da istilurik egon Zumardian, baina gero, Zumarditik herriko beste hainbat tabernatara joan dira ertzainak, tentsio une berriak sortuz. Ertzainek bigarren lagun bat atxilotu dute Foru Plazan, Leku Zarra tabernaren inguruan
Eguerdiko istiluen ondoren, 12:00etarako iragarritako prentsaurrekoa eman du ezker abertzaleak Herriko Plazan, atxilotuen senideak eta herritar ugari lagun. Prentsaurreko jendetsua izan da, elizako eskailera guztiak jendez beteta baitzeuden. Atxilotutakoen inkomunikazio egoera salatu eta tortura arriskuaz ohartarazi dute prentsaurrekoan, hurrengo ostiralerako Borroka Eguna deitzearekin batera. Madrilera joateko autobusa ere antolatu dute, atxilotuek epailearen aurrean deklaratzen dutenerako, eta nahi duen orok izena ematea baduela esan dute ezker abertzaleko kideek. Gaurko beste manifestazioa deitu dute, 20:00etan, Herriko Plazatik abiatuta.
63 urte dituen atxilotua Donostiako ospitalean dago ertzaintzak eman dion jipoiaren ondorioz.
Gaur eguerdian burutu ditu atxiloketak ertzaintzak senideak prentsaurre bat eman behar zutenean. Jose Luis Gurrutxaga da atxilotuetako bat eta une honetan ospitalean aurkitzen da.
ORERETAKO GERTAEREN HARIRA ASKATASUNAREN OHARRA:
Hasteko argi esan nahi dugu herrizaingo saila beste behin ere gezurretan ari dela gaur Oreretan emandako gertaeren gainean. Goizean bi ertzain zauritu direla esanez atera dira eta orain berriz 9 ertzain zaurituz ari dira. Zaurituen parte medikuak erakusteko eskatu nahi diegu, zaurien argazkiekin. Guk berdina egiteko konpromisoa hartzen dugu.
Atxilotuei buruzko informazioa:
Jose Luis Gurrutxaga atxilotua Donostiako ospitalean aurkitzen da ertzainek eman dioten jipoiaren ondorioz. Gorputz osoan ditu kolpeak. Obserbazioan aurkitzen da une hauetan eta abokatuei ez diete utzi berarekin egoten. 63 urte ditu Jose Luisek. Iñaki Garcia Alkorta da beste atxilotua eta une honetan Oreretako ertzainen komisaldegian aurkitzen da
Atzoko atxiloketak salatzeko prentsaurre bat ematea zen helburua, eta ertzaintza izan da berau galeraztera etorri dena. Pankarta bat jartzen ari zirela Ertzaintza gazteak identifikatzen hasi da, pankarta kenduz. Herritarrak jarrera hau aurpegiratu diote ertzaintzari, alde egiteko eskatuz. Tentsio uneak sortu dira eta ertzaintzak tiroka hasi dira lehenengo, eta karga bortitz bat burutu dute ondoren. Hainbat herritar kolpatu dituzte, eta bi pertsona atxilotu.
Honez gain hainbat herritarri identifikazioa eskatu diote goizean zehar (tabernetan, pankartak jartzen ari zirela…) eta karnetak kendu dizkiete 7 herritarri. Komisaldegira bila joateko agindu diete. Abokatuak karneta berreskuratzen saitu dira, bain ez dizkiete eman ertzainek.
Askatasunaren salaketa:
Atxiloketak eta inkomunikazioa salatzeko ezin al dute herritarrek prentsaurre bat eskaini? Zergaitik beste behin ertzaintzak bortxaz erasotzen ditu errepresioa salatu nahi duten herritarrek? Hau al da PNV-k azken egunetan aipatu digun etika demokratikoa?
Beraien biolentzia gezurren bidez ez justifikatzeko eskatu nahi diogu Balzari. Gaur Oreretan bortxaz erasotu ditu ertzaintzak herritarrei, tiroz beldurtu, porraz jo eta zauritu. Ibarretxe eta Baltzari erantzunkizun polítiko argiak eskatu nahi dizkiegu, eta behingoz errepresioa eta herri honetako sektore baten aurkako gorrotoa alde batera uzteko exigitzen diegu.
Herritarrei dei egin nahi diegu errepresio guzti honen aurka mobilitzeko.
Oreretako bizlagun baten oharra:Atzo atxilotutako senideek prentsaurreko bat eman behar zuten gaur Oreretan. Pankarta bat jartzen ari zirenean haa ere, ertzainak azaldu, pankarta kendu eta senideak identifikatu dituzte. Jendea orduan, bertara gerturatu da ekintza hau salatu eta poliziei alde egin zezaten exijitzera, hauek urduri jarri eta airera tiroak botatzen hasi dira, jendearengandik metro pare batetara. Ertzain gehiago etorri dira orduan, eta karga bortitzak hasi dira, porraz jendea jotzen, eta gizon bat atxilotuta eraman dute.
Anbulantzi bat sartu dute koartelera atxilotua zauritua baitago eta andulantzia irten egin da ondoren, atxilotua erresidentzira eramateko.
Atxilotua koartelera eraman dute eta bizilagunak Oreretako koartelera joan dira protesta egitera. Han berriro pelotazoka hasi dira ertzainak. Zaurituak daude Oreretan.
Atzo 1500 pertsona bildu ziren Oreretan manifestazioan, 400 Oiartzunen eta 200 Lezon.
Gaurko asanblada eta mobilizazioak:
- Oiartzunen, 19:00etan herriko plazan.
- Oreretan, 20:00etan herriko plazan.Bihar, igandea, eskualde mailako mobilizazioa burutuko da 20:00etan Oreretan.
Atxilotuen gaineko berririk ez dago, inkomunikatuak jarraitzen dute.
Informazioa iturriak: Oarsoaldeko hitza , www.askatu.org eta Gaztesarea
Oreretan, Oiartzunen eta Arrasaten egin ditu atxiloketak polizia espainiarrak gaur gauean.
Oreretan Haizea Iriarte Urretabizkaia, Xabier Lujanbio, Harkaitz Antza, Gorka Etxeberria, Aitor Alberdi, Aitor Franco eta Beñat Burlada gazteak atxilotu dituzte, eta haien etxeak miatu dituzte.
Jon Mikel Otxoa eta Alex Etxeberria Oiartzunen izan dira atxilotuak.
Arrasaten Josu Arruabarrena oreretarra atxilotu dute. Josuk Arrasaten ikasten du eta bere ikasle pisuan izan da atxiloketa. Arrasateko atxiloketa honetan beste hiru lagun ere atxilotu dituzte, Poliziaren aurrean protesta egiteagatik.
Orereta, Oiartzun eta Lezon zenbait etxe ere miatu ditu polizia espainiarrak, denera hemezortzi miaketa egin ditu poliziak, horien artean Oreretako Landare elkartea, Oiartzungo Kataxulo gaztetxea eta Lezoko Ibai-Ondo etxea.
Espainiako Auzitegi Nazionaleko epaile Fernando Grande-Marlaskak aginduta egin dituzte atxiloketak, eta Espainiako Poliziaren Donostiako egoitzara eraman dituzte atxilotuak, Madrilera noiz eramango zain. Bost egun igaro daitezke atxilotuak epailearen aurretik pasatu arte, inkomunikazio egoeran baitituzte atxilotuak.
Askatasunaren salaketa:
Euskal Herriko hainbat gaztek errepresioaren jopuntuan jarraitzen dutela salatu nahi du Askatasunak. Beste behin gauak eskaintzen duen inpunitatean gazteak atxilotu eta inkomunikaturik eraman dituzte. Eroaldi errepresiboak ez du etenik Euskal Herrian, eta Zapaterok espainiar estatuko presidente izendatu eta astebetera operazio berri bat egiteak argi erakusten digu zein den aurrera begira egiten duen apostua.
Rubalcabaren plangintza errepresiboa ez zen hauteskundeetan amaitu, eta berak iragarritako biolentzia aro luzeak badakigu zein esanahi duen gure herrian. Atxiloketak, inkomunikazioa, espetxea, tortura, sakabanaketa…
Euskal herriko gazte independentista guztiak espetxeratzekotan badira, espetxe berriak egiten hasi beharko dute. Noraino igo nahi dute preso kopurua? 30 urte eta gero ez al dira ohartu errepresioak ez duela independentziaren aldeko lana eta aldarrikapena gelditu?
Askatasunatik dei egiten dugu errepresioaren aurrean antolatu eta mobilizatzera. Gaur bertan atxilotuen herrietan egongo diren mobilizazioetan parte hartzeko deia luzatzen diegu herritarrei.
Asanblada eta mobilizazioak:
Amnistiaren aldeko mugimenduak atxiloketa horiei erantzuko deia luzatu du.
- Oreretan, 20:00etan herriko plazan.
- Oiartzun, 20:00etan herriko plazan.
Herritarrak atxilotuta dauden artean egunero mantenduko dute hitzordua.
Zine Txiroa Oreretan
Apirilaren 10
abril“Piztera”
(Taburete Taldea / El ke la sige la konsige filmak, 2007, Iruña):
Dokumentalaren emanaldia eta ondoren solasaldia Iruñeko okupazio mugimenduko kideekin.
Proyeccion del documental y despues charla con miembros del movimiento de okupacion de Iruña.
Arratsaldeko 19:30 etan / de la tarde
Errenteria/Oreretako Mikelazulo kultur elkartean
“Piztera”
(Taburete Taldea / El ke la sige la konsige filmak, 2007, Iruña):
Video producido por los integrantes de la iniciativa Iruñerria Piztera Goaz en colaboración con Eguzki Bideoak.
2007ko maiatzan, Nafarroako parlamenturako eta Iruñeko udalerako hauteskundeak zirela eta, hainbat gaztek desobedientzia zibileko ekimen batzuk aurrera eramatea erabaki zuten.
Azken aldian Iruñerriko mugimendu sozialek jasandako errepresio eta kriminalizazio gogorra, Xabi Errearen gartzelarapena eta azken urteetan egondako 23 gaztetxen husteak, hurrengo gertaerak sustatu zituzten.
Bi aste horietan zehar 56 pertsona atxilotu zituzten. Beste 30 pertsonek isuna jaso dituzte dagoeneko. Horietatik 14 ei 28 hilabetetik 4 urte arteko kartzela zigorrak eskatu dizkiete.
En mayo de 2007 durante las elecciones al parlamento de Navarra y a la alcaldía de Iruña un grupo de jovenes emprendió una campaña de desobediencia civil.
La dura represión que han sufrido los movimientos sociales estos últimos años, el encarcelamiento de Xabi Errea y el desalojo de 23 gaztetxes en Iruña y alrededores motivaron las siguientes acciones.
En estas 2 semanas 56 personas fueron detenidas. Y hasta ahora 30 personas han sido multadas. De las cuales, a 14 les piden una pena de cárcel de entre 28 meses y 4 años.
(Iraupena / Duracción: 37 minutu)
Informazio Gehiago / Más informacion: www.3gazte.net
(read more…)
Bidalketa zaharragoak »
Zintzilik irratia
admin in 
